Pertsona guztiak onartzen ditugu. Bakoitzari bere izaera, aukera berdintasuna eta beharrezko laguntza espezifikoa bermatzen diogu. 

Elkarlanean diharduen ikastetxea gara, taldean elkarreraginez, autonomia eta ekimen pertsonala garatzen laguntzen dugu.

Hezkuntza komunitate guztiko kideen arteko parte hartzea eta elkarlana bultzatzen dugu eta testuinguruan eta jendartean inplikatzen gara.

Ikastetxeak euskararen normalizazioa laguntzen du, berezko hizkuntza gisa eta ikasle eleanitzen aldeko apustua eginez.

Berdinen arteko harremanak bultzatu eta horretarako lan egiten dugu; edozein bereizkeria mota edota genero indarkeria baztertuz. 

Herritartasun kritiko eta arduratsu baterako prestatzen ditugu ikasleak, testuinguru sozial eta kulturalarekin integratu eta konprometitzeko.